’n Man (32) is gisteraand op Piet Retief in hegtenis geneem na hy glo vyf lede van sy familie geskiet het. ’n Bejaarde vrou (71) en drie kinders, ouderdomme 3, 8 en 10, is oorlede en ’n vrou (22) is in die hospitaal.

Een van die lede van die familie het glo gery om kos te gaan koop en toe hy terugkom, was die deur gesluit en die radio kliphard aan. Die Familielid het die deur oopgebreek en die verdagte met ‘n vuurwapen aangetref. Hy het sy ouma en suster op die vloer sien lê en toe die liggame van die kinders in aparte kamers.

Die polisie ondersoek vier moordaanklagtes en poging tot moord. Die verdagte sal Maandag in die Piet Retief-landdroshof verskyn.

source:Man in hegtenis wat glo sy familie vermoor (find-it.co.za)