- This topic is empty.
Viewing 1 post (of 1 total)
-
Posts
-
Klerksdorp Rekord, Klerksdorp – Deon Nel is nou al bykans drie weke vermis, tog bly sy familie hoop op goeie nuus.
Sy foto en inligting is al derduisende kere op sosiale media versprei. Nuus dat sy liggaam waarskynlik in ‘n verlate mynventilasieskag afgegooi is, begin ook nou insink. ‘n Woordvoerder van die familie wat anoniem wil bly het aan Klerksdorp Rekord gesê dat die uitslag van die DNS-toetse wat by die skag geneem is, waarskynlik op Woensdag 26 Julie bekend sal wees. Dit het verlede week bekend geword dat die polisie en mynprotospanne bloed by die mynskag gekry het.
“Ons hoop en bid dat die bloed nie syne is nie,’’ het die woordvoerder gesê.
Die woordvoerder het ontken dat die familie ‘n reuse bedrag geld aangebied het sodat Nel se liggaam – indien dit hy is – uit die skag gehaal kan word. Klerksdorp Rekord het gehoor die skag is amper 2 km diep en dit sal baie gevaarlik wees vir enigeen om af te sak en die liggaam na die oppervlak te bring. Klerksdorp Rekord is ook gevra om die familie se privaatheid in die moeilike tyd te respekteer.
Nel, of Stompie soos hy bekendstaan, is sedert 5 Julie vermis.
Hy is laaste gesien by ‘n kroeg op Wolmaransstad. Sy familie het die volgende dag ‘n selfoonboodskap gekry waarin ‘n losprys vir sy veilige terugkeer geëis is.
Twee verdagtes het in die hof verskyn nadat hulle in hegtenis geneem is by ‘n huis in Randlespark met van sy besittings, asook bloedbevlekte klere wat glo aan hom behoort. Sy bakkie is ook in Lesotho opgespoor.
Die polisie is steeds besig met die ondersoek en hou die familie op hoogte, het kol Adele Myburgh, polisiewoordvoerder, gesê.
SOURCE:Klerksdorp Record – Bloed by mynskag is dalk Nel s’n (northwestnewspapers.co.za)
Viewing 1 post (of 1 total)
- You must be logged in to reply to this topic.