- This topic is empty.
Viewing 1 post (of 1 total)
-
Posts
-
Vrou op plaas ‘oorval, aangerand en beroof’- Deur Wanda Olivier Geskryf
OOS-KAAP. – ‘n Vrou (54) is glo Saterdag omstreeks 09:30 op die plaas Riverview in die Baroda-distrik in Nxuba (voorheen Cradock) oorval, aangerand en beroof.
Kapt. Namhla Mdleleni sê aan Nuusflits twee verdagtes, onderskeidelik 25 en 35 jaar oud, is intussen gearresteer. Rekords dui aan die slagoffer was op ‘n plaas, ongeveer 35 km buite Nxuba, toe twee verdagtes die huis binnestorm en haar glo met ‘n mes gedreig en geld van die kluis geëis het.
Mleleni sê die verdagtes het met ‘n onbekende bedrag geld, vuurwapen en selfoon van die toneel gevlug.
Binne 24 uur het gesoute speurders ‘n deurbraak in die saak gemaak. Die geld en vuurwapen is in die twee gearresteerde verdagtes se besit gevind. Beide sal vandag op aanklagte van huisroof en die besit van ‘n ongelisensieerde vuurwapen en ammunisie in die Nxuba-landdroshof voorkom.
Volgens ‘n plasing op Sammie Breedt se Facebook-blad het die slagoffer se man werkers vir inkopies dorp toe geneem. Die slagoffer het die honde hoor blaf en ondersoek ingestel, waarna sy oorval en aan ‘n stoel vasgebind is. Sy kon haarself na ‘n ruk loswikkel en hulp ontbied.
bron:Vrou op plaas ‘oorval, aangerand en beroof’ – Nuusflits
Viewing 1 post (of 1 total)
- You must be logged in to reply to this topic.